Pagina:Poeti antichi del dialetto veneziano 1.djvu/55

Da Wikisource
Jump to navigation Jump to search
100 percent.svg
Sta pagina la xe stà trascrita e rileta.



108Gropo con un sponton ferido à Zanco,
     Che lo à infilzà come se fa le anguile,
     E presto el vene più che zesso bianco,
     Sichè l'è andà a parlar co le Sibile:
     Caligo, Tasso, Grinta, Chiepo e Ranco
     S'à fato avanti, digando: Se mile
     Fusse sti Calafai, sti Marangoni
     Faremo veder ch' i è tuti poltroni.

109Criava a vose piena le brigae:
     Tirève in drio; no far; scampa; sta forte
     Se vedeva tirar tal cortelae
     Da far paura e meter molti a morte;
     Ve so dir che i no dava piatonae
     Ma bote da tagiar muragie e porte,
     E passar corazzine e franzer zachi
     Facendose in la vita stranii intachi.

110Taco e Giarcòla gera streti insieme
     A meza mela con spada e pugnai,
     Nigun de questi la vita no teme,
     E per l' onor i faràve ogni mal.
     Ghe par esser in Ciel co le diadème
     Quando i travasa la spada o el bocal,
     I se tirava bote da giotoni
     Ponte, falsi roversi e stramazzoni.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poeti_antichi_del_dialetto_veneziano_1.djvu/55&oldid=64085"