La piassarota
Ela, l'è fora da la porta, in strada,
con sinque o siè putei che zuga1 a péta;
la g'à la testa sporca e spetenada,
la mostra i denti a ci no ghe dà reta2.
Se i ghe dise che l'è 'na puteleta,
o la sa che zugando i l'à imbroiada,
ghe vien caldo, la ciapa 'na bacheta,
la ghe dà a l'imbroion 'na sbachetada.
La va in volta a sonar i campanei
ci ghe rasona la ghe dise «mori»
e la roba3 da i sesti i ravanei.
La se compagna i puteleti in giro,
insegnandoghe a far le boche a i siori,
e a i disgrassiadi qualche bruto tiro.
