Pagina:Poesie veronesi (Giovanni Ceriotto).djvu/15

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


Un Camilion 1


     Gh'è putine, putele e gh'è sposete,
che le se mete in bossolo zo in strada;
gh'è 'na vecia che par inamorada
4drio le so uce, drio le so calsete.

     E gh'è 'na sposa fresca che vol chiete,
co 'na putina in brasso e l'è malada,
ma no la g'à spariensa,2 l'è intrigada,
8parchè la tasa la ghe dà le tete.

     Vien el moroso e savito 'na tosa3
la ghe va incontro a farse dar i fiori,
11el gelsomin o 'l bocolo de rosa;

     fin che le mame intanto vol saver,
che impiego el g'à, se 'l g'à i parenti siori;
14salta fora la vecia: — L'è un barbier!...

  1. Camilion: casamento abitato da molte famiglie del popolo
  2. no la g'à spariensa: è inesperta
  3. tosa: ragazza.