Un Camilion 1
Gh'è putine, putele e gh'è sposete,
che le se mete in bossolo zo in strada;
gh'è 'na vecia che par inamorada
4drio le so uce, drio le so calsete.
E gh'è 'na sposa fresca che vol chiete,
co 'na putina in brasso e l'è malada,
ma no la g'à spariensa,2 l'è intrigada,
8parchè la tasa la ghe dà le tete.
Vien el moroso e suvito 'na tosa3
la ghe va incontro a farse dar i fiori,
11el gelsomin o 'l bocolo de rosa;
fin che le mame intanto vol saver,
che impiego el g'à, se 'l g'à i parenti siori;
14salta fora la vecia: — L'è un barbier!...
