Pagina:Poesie veronesi (Giovanni Ceriotto).djvu/10

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



     con quatro peli in testa par bareta
e sempre atento a consumar cortei,
vardè done, corì, ciapè el moleta,
12che 'l ve gussa1 un cortel par sinque schei!

     Par sinque bessi2 e guai a la madona
se qualcheduna ghe ne da de più!
andèghe ancò che lo trovè de bona,
16par sete bessi el ve ne gussa du.

     Le rude3 vece, mal andade e storte,
le gira soto a i oci del paron,
e se anca piove o tira el vento forte,
20le vedì sempre in volta a sbrindolon;4

     a sbrindolon col solito vestito,
i è sempre stade rude e sempre quele
e le à impara el mestier così pulito,
24così ben, che le gira da par ele.

  1. gussa: affila
  2. bessi: centesimi
  3. rude: ruote
  4. a sbrindolon: a zonzo
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veronesi_(Giovanni_Ceriotto).djvu/10&oldid=63896"