Pagina:Poesie veneziane del conte Francesco Cestari.djvu/56

Da Wikisource
Sta pagina la xe stà trascrita, ma la gà ancora da vegner rileta.
XVIII.


Per cossa tanto amabile
     Mì te trovava un dì,
     E po tuto in t'un atomo
     Più no ti xe cussì?

Per cossa un gnente in colera
     Te falo adesso andar,
     E par che fin t'incomoda
     Sentirme a sospirar?

Se mai cussì trattandone
     Ti me vol far capir,
     Che go fenío de piaserte,
     Che ti la vol fenir;

Fa che lo sapia, dimelo,
     Sarà quel che sarà....
     Ma postu esser -volubile?...
     Ah! no per carità!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/56&oldid=56225"