Pagina:Poesie veneziane del conte Francesco Cestari.djvu/53

Da Wikisource
Sta pagina la xe stà trascrita, ma la gà ancora da vegner rileta.
XV.


Come xe mai possibile?
     No, creder mì no posso
     Che co la freve in dosso,
     Nina, ti sii cussì.

Xe l'ochio vivacissimo,
     Xe 'l lavro tumideto,
     Sì, sì, capisso, in leto
     Per scherzo ti xe tì.

Oh Dio, che voce languida!
     Ste man le par de fogo:
     Ah! m'ò inganà, per zogo
     In leto no ti sta.

Sì, m'à inganà quel'anima
     Dipinta su quel viso;
     Chi vede quel soriso,
     Che ti sta ben dirà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/53&oldid=56215"