ANACREONTICA
Se mi t'ò dito, Filide,
Che amor per tì sentiva;
Alora no mentiva
Amor per tì ò provà;
Ma s'anca vado in colera
Co sto mio cuor adesso,
No 'l trovo più l'istesso
Per tì el se xe cambià.
Colpa per altro, credime,
De sto mio cambiamento
Sucesso in t'un momento,
File, no ti ghe n'à,
Confesso che ti è amabile
Confesso che ti è bela;
Ma pur no ti è più quela
De vinti zorni fà.
Dime che son volubile;
Che son un tomo, un mato;
File, cussì son fato
Sempre cussì son stà.
