Pagina:Poesie veneziane del conte Francesco Cestari.djvu/25

Da Wikisource
Sta pagina la xe stà trascrita, ma la gà ancora da vegner rileta.


Dal ciel go visto alora
     Calarse tra quei mati
     Chi li pol far beati,
     Quel baroncel d'Amor.

Betina, via da brava,
     El dise, perdonèghe,
     E vu a quei pati steghe
     Ch'esigerà quel cuor.

Oh dio, che bel momento!
     Se sente un sussureto:
     No 'l xe quel puteleto
     Propio da imbalsamar?

Da imbalsamar? per cossa?...
     Per mi no vado avanti:
     Te lo dirà sti amanti
     Co i podarà parlar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_veneziane_del_conte_Francesco_Cestari.djvu/25&oldid=56234"