Pagina:Poesie veneziane del conte Francesco Cestari.djvu/16

Sta pagina la xe stà trascrita, ma la gà ancora da vegner rileta.

PER MATRIMONIO

ANACREONTICA

Pentìve, Poeti,
     De quel ch'avè scrito:
     D'un grave delito
     Se' rei verso Amor.

Cupido senz'ochi?
     In bota i Pitori,
     In bota i Scultori,
     Cavè da sto eror.

In sta circostanza,
     Poeti, no resta
     Che dir a la presta:
     S'avemo inganà.

Scrivè per sti Sposi,
     Perfeto xe 'l nodo:
     Che rei se' in sto modo
     Amor scordarà.