Trutrù, cavai,
Via, Toni, dai...
Ma-ma-ma-mai
Più torno qua.
LE SMANIE DE NINETA
PER LA MORTE
DE LESBIN.
Lesbin, Lesbin, te, te,
Caro! vien qua da mi, vien qua, Lesbin...
Mo via, Lesbin... oimè!
Cossa che gabbia ancuo sto bestiolin?
5No l'ò visto mai più cussì svogià...
Voleu veder?... senz'altro el xe amalà.
E come, le mie vissere!
Vardè se 'l cuor ghe palpita,
Se i so lavreti tremola...
10Che ochieto turbio, e languido...
Che pelo dreto e ruvido...
Che convulsion... che spasemo!
Oe, Checo... Toni... Giacomo...
Gran servitori perfidi!
15Seu tuti a ca del diamberne...
Mo via, malegnazzissimo!
Destrighite, sassin!
