Ghe xe noto veramente,
L'esser vechio no xe un mal,
12Anzi un ben precisamente.
La vechiezza, Nina mia,
Xe da tuti rispetada,
Xe da tuti compatia,
16Xe da tuti carezzada.
Se mai casca un zerbinoto,
Ognun ride, e lo minchiona,
Se al'oposto el xe un vechioto,
20Lo compianze ogni persona.
La se vede ogni momento:
Se ghè un vechio fra la zente,
De chi è 'l primo complimento?
24Del bon vechio certamente.
Ti dirà, ma tuti nò,
No i xe tuti rispetai;
Mi li vedo, mi lo sò,
28Se ghe n'è de sbufonai,
Sbufonai? ma quai? di' sù:
Ouei, che mai vol far giudizio,
Che no vol fenirla più,
32Che crepar vol col so vizio.
Oh, se fusse talequal,
Te daria rason sul sodo;
Ma sicome no son tal,
36Dime vechio, chè me godo!
