Pagina:Poesie edite ed inedite de Lodovico Pastò venezian.djvu/82

Da Wikisource
Sta pagina la xe stà trascrita, ma la gà ancora da vegner rileta.

     E po' el dise francamente:
     Questo, è fogo certamente,
     Ela, Siora, s'à scotà...
     Vardè quà, che vissigoni,
     70I par tanti macaroni!
Fogo nò, mi son segura,
     Questa xe una macaura,
     La responde m'ò sentà
     Troppo in pressa, e m'ò macà:
     75Sior dotor la vaga in pase,
     No me piase el so progeto
     Guarirò c'un mio secreto.
La lo paga nonostante,
     E la core in quel istante
     80A butarse, e la se quieta:
     Toni in tanto, e la serveta
     Ride a spale dei sioconi,
     Balordoni de Signori,
     Che ghe crede ai servitori.


EL TORNIDOR.


OTAVE.


Un Tornidor famoso tabacon,
     Che magnava el tabaco come el pan;
     Ma sempre a scroca, e senza discrezion.
     À messo su botega un dì a Muran

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/82&oldid=63863"