Pagina:Poesie edite ed inedite de Lodovico Pastò venezian.djvu/34

Da Wikisource
Sta pagina la xe stà trascrita, ma la gà ancora da vegner rileta.
PER UN DOTORATO.


SONETO.


1 El Nono pianze... o dio! cossa gai fato?
     Sior Nono.... caro lui... via, cossa galo?
     Se'l pianzesse per mi, nol pianza, salo.
     4Chè son assae contenta del mio stato.

A sto convento m'ò adatà in t'un trato,
     Perchè no son ligada minga a un palo;
     Me movo ale mie ore, salto, e balo,
     8E po' go un'amia tanto de bon trato...

Cossa diselo mai? per carità!
     El pianze perchè el Barba se dotora?
     11O, questa xe per mi una novità...

El pianze d'alegrezza? megio ancora!
     Ma mi no pianzo; rido, inverità,
     14E de dirghe Dotor no vedo l'ora.

  1. Parla una putela de set'ani, entrada da pochi zorni in Convento.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/34&oldid=63835"