Pagina:Poesie edite ed inedite de Lodovico Pastò venezian.djvu/106

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.


E ancuo no ghe xe un can, che più te vogia,
Tuti te manda al bogia
In compagnia de tuta la to razza,
55Nè ghè chi no te oltragia, e te strapazza.
     Che colpa xe la toa? coss'astu fato,
Povera desgraziada?
Gnente, se dise, Sior; ma gnente afato;
Vechia son deventada,
60Piena de dogie, e piena de schinele;
Questi xe i mj pecai...
Co se xe vechie, guai!
Parlo con vualtre done fresche, e bele;
Godeve pur, sorele,
65Tegnive in bon; ma vegnirà quel dì,
Che incontrarè la sorte, che go mi.


CANZONETA.


Nina, te parlo candido,
     Me bisega un tantin
     Quele ochiadine tenere,
     4Che ti ghe dà a Tonin.
Come xe mai possibile,
     Come se pol mai dar,
     Che'l solo amor platonico
     8Te fazza delirar?
Son fora d'ogni dubio:

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/106&oldid=63809"