Pagina:Poesie edite ed inedite de Lodovico Pastò venezian.djvu/104

Da Wikisource
Sta pagina la xe stà trascrita, ma la gà ancora da vegner rileta.
L'ARIANA. 1


CANZON


     Ariana, Ariana, co te vedo, odio!
Me crepa el cuor in sen,
Resto da compassion quasi sbasìo!
Dove xe andà quel ben,
5Che ti godevi un dì? povera grama?
Ridota s'una strada
De tuti abbandonata,
No ghè più chi te varda, chi te brama
Arlevada da Dama,
10Ti ghe supiavi suso ai pastizzeti,
E ancuo ti fa le bave sui zaleti.
     Avezzada a dormir s'un canapè
Coverto de persiana,
Dove se poderia sentar un re
15Ancuo ti fa la nana
O sula pagia, o s'un bocon de stiora,
In scuderia, in rimessa
O soto la barchessa,
E tante, tante te gran note ancora
20Te toca star defora
Sul nuo teren coverto de fredura,
Perchè no ghè nissun, che te rancura.

  1. Una belisima barbina ridota vechia, e con tuti i mali cagnini adosso.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/104&oldid=63807"