Pagina:Poesie edite ed inedite de Lodovico Pastò venezian.djvu/101

Da Wikisource
Sta pagina la xe stà trascrita, ma la gà ancora da vegner rileta.

     Olà, Toni dal Spizier
     Chè 'l te daga sto decoto...
     Via, camina, xestu zoto?
     50Cate, portime el schizzeto...
     Gran marmota! el picoleto...
     Quelo, quelo, bruto sesto!
     Ma, protesto, la gran tosse!
     El gran mal che 'l ga in tel peto!
     55Povereto...
     Pevereto
     Lesbineto...
     Vita mia, le gran angosse!
Malegnazzo Spizier! quanto mai stalo
     60A far quel pochetin de decozion?
     Checo; cori, va là, movite, palo!
     Dighe che 'l se destriga quel poltron.
Zito, che Toni è quà...
     Presto, per carità!
     65Catina, el servizial:
     Dotor, no ghe fè mal,
     Metèghene pocheto,
     Metèghelo adasieto...
     Stà quieto, vita mia,
     70Che 'l mal te andarà via...
     Mo bravo! me contento,
     Dotor vu sè un portento!
     Co presto! co pulito!
     Chi l'averia mai dito?
     75Oh, povera bestiola!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Poesie_edite_ed_inedite_de_Lodovico_Pastò_venezian.djvu/101&oldid=69028"