De le volte, qua e là, qualche tacheto
Per la strada desperso e mezo andà
Me fa qua, drento el cuor, un çerto efeto
Come chi dopo un sogno s’a svegià...
Co tuto sto zirar,
Sto eterno sbrindolar
Pute giudizio! vardè quel che fè,
Che no sia solo el taco che perdè!
L'è un quadreto. De sora un orteselo
Lo ripara dal sol e dala piova;
Ghe core arente un rio pianin pianelo
4Dove se nina 'na gondola nova.
Par tera valesane, sandoleti,
6Cassope co dei busi malindreti
E, viçin, de le barche revoltae
8Bianche nel tondo e za rimodernae.
Zogia, ti ridarà... ma un altro squero
Ti xe par mi, dove voria tirar
Una barca scanchenica che un zero
12No la val più, per farla governar.
'Na barca che fa aqua d'ogni parte
Voria ne le to man, creatura, darte...
Voria vedar se el squero del to amor
16Pol tirar su sto povaro mio cuor!
