Chi vol de le cosazze, chi vol erudimenti,
Dei omeni ì cervelino i sarà mai seguenti.
Chi à scrito è mio paron, paron de seguitar
Chi spende el so da diese poi dir e confutar.
Idolo del mio cuor
ardo per vu d’amor,
e sempre, o mia speranza,
s’avanza el mio penar,
Voria spiegar, o cara,
la mia passion amara,
ma un certo no so che...
no so se m’intendè,
fa che no so parlar.
Quando lontana sè,
quando no me vedè,
voria senza parlarve
spiegarve el mio dolor;
ma co ve son arente
non son più bon da gnente,
un çerto no so che...
no so se m’intendè,
me fa serar el cuor.
Se in viso me vardè
fursi cognossarè
quel barbaro tormento
che sento nel mio sen.
- ↑ Da «Il Bugiardo».
