Pagina:Per le nozze Medin-Maniago.djvu/18

Da Wikisource
Sta pagina la xe stà trascrita, ma la gà ancora da vegner rileta.
EL MESE DE MAGIO


Xe qua Magio, Nina, sentì
     Che sto caro zefireto
     Te lo dise coi frequenti
     Sospireti che lu ga.
                    Za el to viso, za el to peto,
                    Ga sto zefiro basà.
Varda, Nina, quanti fiorì
     Te fa nascer Magio atorno
     Ah! de quanti bei colori
     Se depense adesso el prà!
                    Lu amoroso apena zorno
                    El te chiama, el te li dà.
Non lontana la colina
     Che ga verde ancuo la balza,
     La te dise, vien su, Nina,
     Che qua suso ben se sta.
                    Se ti vol vien pur descalza,
                    Vien in piena libertà.
Mi go qua mile oseleti
     Che ascoltar fa un'armonia
     Deliziosa, e, povareti!
     Par che i diga: vien pur qua,
                    Che staremo in alegria
                    Za che Magio xe tornà.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Per_le_nozze_Medin-Maniago.djvu/18&oldid=55564"