Pagina:Pascolato - Versi Veneziani, Milano, 1928.pdf/24

Sta pagina la xe stà trascrita, ma la gà ancora da vegner rileta.

EPIFANIA MCMXVIII.

oragio! Ne le ore più tremende

     Se vede quel che un popolo sa far:
     El dirito de tuti se difende
     Col nostro onor, sul Grappa, al Piave, in mar.

Fin che al mondo ghe xe dei oppressori,
     El cuor dei morti bate in tuti i cuori.

Fin che ghe xe dei barbari assassini,
     Cossa conta far pati e aver confini?

Fin che a sto mondo ghe xe tere invase,
     Parlemo de giustizia, no de pase.