I MIRACOLI DE AMOR
Per amor son deventà
tal modelo de virtù
che, per dir la verità,
4no me riconosso più.
Una volta stavo a tola
à peu près come un vilan,
ma strapazza, tira e mola,
8m'ò ridoto un cortesan.
Una volta a çerta zente
ghe voleva dir la mia,
desso inveçe son prudente,
12un campion de cortesia.
Un fià storto caminava,
drito inveçe vado adesso,
i vestiti strapassava,
16ancùo inveçe li soprèsso.1
- ↑ Stiro.
