EL GIUDIZIO DE PARIDE
A Elena, Lucia e Alexandra Chilaiditi.
Vòi cantar de tre sorele
che la Grecia m'à mandà,
sora el mar, soto le stele,
4proprio al colmo de l'istà.
Una xe un fiantin grasseta,
ma la ride de gran cuor,
la xe franca, verta, scieta
8sempre alegra e in bon umor.
Ahi! La magia ghe xe streta
sora al corpo ben formà,
per fumàr 'na sigareta
12la fa... Cossa? No se sa.
La xe nata, un fìà indolente,
per qualche harem de Bey,
gh'è un riflèsso d'Orïente
16nei vostri oci, Elena, sì.
