VIÇIN DE LA MIA CUNA
A mia Madre.
Son ritornà viçin de la mia cuna,
dopo tanti ani e tante brute storie,
e a la mente me torna a una a una
4de l'infanzia le luçide memorie.
Eco la casa vecia de mio nono
dove son nato, dove son cressùo,
la cale dei Pignoi.... No go più sono,
8al Vapor, per albergo, son vignùo!
A sto albergo, co' mi gera un putèlo,
vegniva sempre el caro zio Simon.
O che friti de pesse e de vedèlo!
12E dopo, l'ogio per l'indigestion!
E a quela riva dove son smontà,
da 'na gondola, al lume de un feràl,
quante volte col nono son rivà
16da Rialto, col pesse per Nadàl!
