PESCARA
Pescara, le nostre tartàne
trovava ogni dì le paranze
in Istria, su spiagie italiane
4che sofre, che anèla, che pianze.
E le rinovava lontane
memorie, sconvolte speranze:
Dalmazia co triste campane
8cantava ne le lontananze.
El Fio de Pescara più grando
ancùo su Trieste e su Trento,
11poeta e soldà, va volando,
e el va predicando l'evento
viçin, el lo anunzia cantando
14dal çielo, sul mar, con el vento!
