Pagina:Nuove rime veneziane di guerra e di pace.djvu/19

E vedo passàr per quel ponte,
perùca e tabàro scarlato,
un nòbile che in strade sconte
col còdega¹ drio, va filato
60a vèder la bela, cussì.

E vedo in quel bel zardineto,
delizia de un vecio palazzo,
un fresco e piaçente viseto,
'na man deliziosa e un bel brazzo
65che ciàma el moroso, cussì...

E vedo dei zafi² che core
perchè xe scampà Casanova,
e vedo un gran Frate che more,
che forte sostièn la gran prova
70co un stilo nel peto, cussì!

1. Domestico che seguiva i nobili portando una torcia durante i secoli in cui Venezia era tutta buja, o solo illuminata da qualche raro fanale o lume di altare.
2. Birri.