45
Do tre volte che so andà
De un amigo in compagnia
Go dovudo apena entrà
Tacar soto, e vegnir via: —
Vie che bomba budelona!
(Tuti quanti esclama alora,)
Tropo grosse, la perdona,
La le lassa vegnir fora;
Tropo grosse mo la Veda
La destira le lasagne,
E no semo, la lo creda,
Vegnui zo da le montagne;
Lo sà sina i mii stivali
Che Venezia xè piantada
Tuta quanta sora i pali
E da l'acqua contornada
