Pagina:Marco e Tòdaro.djvu/89

Zente da ben, che amè la religion
     E pur la patria no desmenteghè,
     Che dei Santi e de Dio ve recordè,
     4Perchè de là ve vien el megio, el bon,

Andè a San Zorzi¹ e là co divozion,
     In quela bela Chiesa che savè,
     A quel Santo che in gloria trovarè
     8Diseghe un Paternostro in zenochion.

El lo merita ben San Benedeto:
     Prima perchè l'è un Santo, e Santo grando,
     11Che vol dir bon Cristian, anzi perfeto;

E po l'è un Santo che no stà de bando,
     Perchè el conserva anca lassù el segreto
     14De far, squasi, miracoli scherzando.

1. [p. 93]S. Giorgio; isoletta di fronte alla Piazzetta di San Marco, detta di S. Giorgio Maggiore, per distinguere quella dalla chiesa di S. Giorgio dei Greci, e dall'isoletta di S. Giorgio in Alga.