1Stando un dì solo a casa in sentinela,
Che tuta la famegia gera a spasso,
Sento darme un tiròn de campanela.
Pertegando le scale coro abasso,
E co' prudenza, perchè gera el caso,
Verzo la porta in sfesa1 e sporzo el naso.
2E qua starave ben un'avertenza,
Per dirve che l'autor de sta canzon
Ga veramente un naso da celenza,
Fora de le ordinarie proporzion;
Ma se no ve ne importa, salto via
La parentesi intiera, e vegno al quia.
- ↑ sfesa — fessura, spiraglio: in sfesa dicesi della porta quando s'apre un poco soltanto.
