Pagina:Marco e Tòdaro.djvu/178

     Se sta freve politica no cala,
     Che imbriaga le teste in soa malora,
     Se più cristiana no se fa la zente,
     176Paron, la creda, no faremo gnente.

Vèdela; i nostri vechi co' rason
     Mi de fazza a San Giacomo i m'à messo,
     E sta siora¹ qua in alto sul canton
     180Anca ela in fianco de quel logo istesso.
     Xe come dir che senza religion
     Giustìzia e gataorba² xe l'istesso;
     E che assae mal xe el prencipe servio
     184Da chi no serve ben Domenedio.

Ma intanto co ste chiacole fa zorno,
     E me par de sentir anca del moto.
     La lasso dunque, la saludo e torno
     188A la scala, e me còlego³ là soto:
     Perchè la zente se i me trova atorno
     Se spasema e po nasce un teremoto:
     O qualche sior, cavae, se sa, le spese,
     192Me rancura,⁴ e me vende a qualche inglese.

1. [p. 181]Sta siora — La statua della giustizia su l'angolo delle fabbriche di Rialto, verso il Ponte.
2. [p. 181]gataorba — moscacieca
3. [p. 181]me cólego — mi rannicchio (affine al collocare)
4. [p. 181]me rancura — mi ricoglie, mi piglia su.