Pagina:Marco e Tòdaro.djvu/157

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.

     El popolo vien su rubusto e san;
     I bezzi zira, e tuti se contenta,
     78Che i ga sicura almanco la polenta.

«E po' fra quei che mete i capitali
     Ghe n'é dei nostri, a dir la verità.
     81Se sa ben che i so beni e che i so mali
     Ga tuto el mondo, e ghe ne xe anca quà:
     Ma facendo la suma, a mi me par
     84Che in fondo se se possa contentar.»

T. «Contentarse de questo?.. Eh! caro fio,
     Ghe xe pur qualcoss'altro che più val.
     87Xe poco andar in barca avanti e indrio,
     Slargar cale, desfar o ben o mal,
     Far de diese fazzae tuta una lista
     90Per darghe el nome, o per la bela vista.

«Xe poco semenar de monumenti
     (Lassemo star a chi?) tuti i cantoni:
     93No basta tegnir su squasi coi denti
     Le fabriche che à fato i paruconi;
     Le virtù, mi vorave dei to vechi,
     96Schiete, senza sbeleti, né parechi»

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Marco_e_Tòdaro.djvu/157&oldid=63362"