El Congresso Comico 1
Mi, za, comedie no ghe n'ò mai scrito
e gnanca farse come fa i Autori,
razon par cui no gavaria 'l dirito
de imis-ciarme dei fai sui de lori.
Ma za che i gran zornali ormai ga dito
e à riportà dei Comiçi i umori
su quel Congresso dove xe stà frito
l'acordo bon par la question dei... bori,
vogio anca mi zontar la mia pezzeta
e darghe al Presidente un bon consegio.
La senta, sior paron, la me parmeta,
a un'altra riunion sarà assae megio
che prima de acordarghe la parola,
la varda ben se i ga.... la musarola.
- ↑ Tenutosi a Milano fra Autori ed Attori drammatici.
