Compagnia Leonida 1
(Teatro Gerbino)
Del Socialismo, insoma, la corente
qualche bon fruto ga portà de fato,
se ancuo vedemo che, da brava zente,
ga fato fin la pase can e gato.
E come i va d'acordo! e che potente
vantagio, a l'arte, da sta union xe nato!
qualunque idea che ghe balena in mente
uno co st'altro i la traduse in ato.
Nati de cani! Queli sì xe artisti,
come se dise, proprio de cartelo;
i bala, i canta, i sona e i te lavora
de l'arte avendo un senso cussì belo,
che chi una sola volta li ga visti,
pol dirghe artisti, anzi più cani ancora.
- ↑ Compagnia di cani e gatti ammaestrati.
