Pagina:Levi - Versi in dialetto triestino.djvu/9

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.




Abandonai


     Co li sento sonar quei povareti
Con tanta serietà, cussì intonai!
Grizoli de passion nel cor me meti
El pensier che i xe fioi abandonai.

     Me par che quei concerti i sia bagnai
De pianto e sospirar sento quei peti,
Che no gavù careze e basi mai,
Che no conossi de fameia afeti.

     Guai se una bela e santa istituzion
De quei fioi, quando i iera pulisini,
No se gavessi mosso a compassion.

     Cossa saria de lori? — A lavorar
Pochi, la maggior parte a tacuini,
La preson saria andada a popolar.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/9&oldid=69194"