![](http://upload.wikimedia.org/wikipedia/commons/thumb/5/57/Levi_-_Versi_in_dialetto_triestino_%28page_7_crop%29.jpg/500px-Levi_-_Versi_in_dialetto_triestino_%28page_7_crop%29.jpg)
Quel baso
Quel baso me scota
Me brusa la boca,
E qua nele recie
Go ancora la s’cioca.
De sveio, se dormo,
Se parlo, se taso,
Rosina mia bela
Mi sento quel baso.
O Dio che delizia!
O Dio che profumo!
No xe miga vero
Che el baso xe un fumo!
No xe miga vero,
La xe una busia,
Che co una forbida
El baso va via.