Pagina:Levi - Versi in dialetto triestino.djvu/63

Da Wikisource
Sta pagina la xe stà trascrita, ma la gà ancora da vegner rileta.


     Sto camarin xe classico,
El val un gran tesoro,
Qua ghe xe capi d'opera
Che pur no costa un boro.

     Lo pagaria i musei
Co l’oro ne le man,
El papa fin desidera
De averlo in Vatican.

          Ave! color vini clari! ecc.

     Pitori, artisti zelebri,
Scultori, leterati,
El vin de Lissa i ciucia,
Che par che proprio i lati

     Mai no ghe xe una ciacola,
Alegri, matarani,
Xe le gran bele macie
Sti nostri americani.

          Ave! color vini clari! ecc.







Musica del maestro Cav. Incognito.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/63&oldid=69363"