Pagina:Levi - Versi in dialetto triestino.djvu/52

Da Wikisource
Jump to navigation Jump to search
75%.svg
Sta pagina la xe stà trascrita, ma la gà ancora da vegner rileta.



Barcarola


     Xe presto note — note serena
Spunta la luna — la luna piena,
Varda le stele — par de brilanti
Coi ragi de oro ― le parla al cor.
Note de amanti — note de amor

          Careze e palpiti
          Ga el mar stasera,
          Par che sia musica
          Ala riviera,
          Senti sta arieta
          Consola el cor,
          Nela barcheta,
          Vien far l'amor.

     In mezo le onde se godaremo,
E dondolandose — l’amor faremo,
Po a fondo l'ancora — boca con boca,
Solo de basi — vivi l’amor
E s’cioca, s’cioca — Che i vien dal cor.

          Careze e palpiti, ecc.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Levi_-_Versi_in_dialetto_triestino.djvu/52&oldid=69349"