VIII.
L'INVITO A NINA
Che gusto andar in gondola,
Co more el sol, do amanti!
Scordar del mondo i triboli,
4Scordar del mondo i pianti,
E confidar ai venti
Le so parole ardenti,
E pian pianin, non visti,
8Zurarse eterno amor!
Che gusto in quele tepide
Sere d'istà, co sluse
La luna, e zira in aria
12Mile armonìe confuse,
Per la laguna quieta
Goder la dolçe arieta,
Senza pensieri tristi,
16Senza dolori in cuor.
