Pagina:Le Rime Veneziane e Il Minuetto.djvu/58

XXXII.

LA REGATA

(A EUGENIO CHECCHI)

1

In batelo, in peata, in gondoleta,
Sule rive, ai balconi, rampegai¹
Sui tragheti, sui copi, sui ferai,²
Tuti parla, se spenze, e tuti aspeta.

Passa intanto le splendide bissone³
De damaschi coverte e de corone.

Svola scomesse per la gran regata...
Ma i ga sbarà el canon... nissun più fiata.

1. Arrampicati.
2. Fanali.
3. Gran barche rappresentanti pesci, uccelli marini, ecc., che, per antico costume, vengono apprestate in codeste occasioni.