Pagina:Le Rime Veneziane e Il Minuetto.djvu/34

Da Wikisource
Sta pagina la xe stà trascrita, ma la gà ancora da vegner rileta.
XII.

Se podesse svolar fin a le stele,
Le to belezze in çielo cantarìa:
I cavei biondi e la to bianca pele,
El viso e i fianchi ghe descrivarìa.

E a la mia descrizion, per tuto el çielo
Se sentirave, Nina, un gran bordelo.

De amirazion, de invidia e de dispeto
Se sentirave urlar ogni anzoleto.

XIII.

Torna la luna in çiel, torna le stele,
I fiori torna, mama, al so balcon.
Torna al so caro nìo1 le rondinele,
E a far l'amor le tose su'l liston.2

Ma no torna mai più la mia Nineta,
Che soto tera da sie dì me aspeta.

In çimitero, mama, vogio andar,
Co' la mia Nina vogio riposar.

  1. Nido.
  2. Si chiama così il luogo in piazza ove più specialmente si passeggia.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Pagina:Le_Rime_Veneziane_e_Il_Minuetto.djvu/34&oldid=63230"