IL MINUETTO
BOZZETTO COMICO IN UN ATTO
EPOCA SETTECENTO
PERSONAGGI:
S.E. la Zentildona Nina.
S.E. el Cavalier Tita.
Anzoleta, cameriera.
PROLOGO.
Go tegnuo drio fin desso. L'andava come el vento
Zo per cale e calete - Caspita! me la sento
Ancora nele gambe la corsa che go fato!
El gera cussì alegro che l'ò credesto mato.
5No go mai visto un vecio de sessant'ani e più
Andar a passo svelto come l'andava lu.
Cossa diavolo galo? go dito fra mi e mi.
Dove diavolo córelo el cavalier, cussì?
E per quel çerto istinto bon de curiosità,
10Senza ch'el me vedesse, go tegnuo drio fin qua.
