Regnar in quel regno
Feliçi i se crede,
Nè el tiro i prevede
60De un omo de inzegno.
El qual, bruto afar!
Vedendoli in gloria,
La fresca so storia,
64Se mete a çercar.
Pensève che spassi
Co 'l mago ghe insegna
Che i capi che regna
68No xe che tre sassi.
Co 'l mago, comosso
Da l'arte oratoria,
Ghe dise: "La boria
72Destruser ghe posso."
E là su do piè,
Tre segni per tera...
Ghe torna de piera
76La testa dei re.
El popolo ziga:
"Se fassa la festa
Ai re senza testa,
80Ch'el trono ne intriga."
