Sta pagina la xe stà trascrita, ma la gà ancora da vegner rileta.
— Dio te salvi dal vento e da la brina,
Povaro fior! Ma come sestu qua?
No gàstu fredo ne l'umidità
De sta falsa preson che me sassina? —
Digo e me vien un monsignor mincion
Che me barbòta: ―― «La se varda drio,
Ch'el se sporca le còtole, paron!» —
Giusto come a un putelo! Ma un par mio
Mortificarlo co ste corezion!...
Mo cossa vorli? Che rinega Idio?