Pagina:Le Ciàcole de Bepi, Roma 1908.pdf/69

Alora il guardo io ziro
     E vedo in t'un canton
     Do siori in zenocion....
                    Stele, che miro!

E ben che degli erori
     Ne fazzo in quantità,
     Gò visto in verità
                    Che i giera... Lori! ¹

Alora internamente
     Gò ringrazià el Signor
     Che gà tocà nel cor
                    Sta bona zente.

E ben che zà savémo
     Che finirà cussì,
     Gò dito tra de mi:
                    Bepi, ghe semo!

So mi dove la bate!
     Anzi, per non falar,
     Gò fato soletar
                    Massa zavate.

I ghe n'ha tanta vogia
     Ma i se vergogna un po'
     E i stenta, ma mi gò
                    Magnà la fogia.

Che bel momento, aseo!
     Xe tempo de imitar
     La siora Putifar,
                    No Bepi ebreo!

Tira una bavesela
     De vera contrinzion

1. NOTA ― Le gièra do Altese e la gà dito massa paternostri, ma quanto a vegnir suso... gnente! I se vergogna un poco.