Sta pagina la xe stà trascrita, ma la gà ancora da vegner rileta.
IN SEGRETO.
L'adaptation dans le passé ne s'est jamais faite sans effort. Il en sera de même à l'avenir.
A. Loisy, autour d'un petit livre. Pref.
I PRIMI zorni, si, ghe lo confesso,
Son restà tuto atonito, sbasio
E bianco come un plavolo de gesso
No me pareva de ciamarme Pio
E, in verità, quando che i i me ciamava,
No me vegniva de voltarme indrìo.
El vecio donzelon no se adatava
Chè st'Altro el gera streto de zintura
E le zavate soe me scortegava.
Vedèu putei, che razza de figura
Doveva far ste cotole desmesse
Più longhe un palmo de la mia statura