Pagina:Le Ciàcole de Bepi, Roma 1908.pdf/45

MEDITAZIONE.

Laboravi in gemitu meo.

Psal. V, 7.

Solo! No ghè più gnanca don Bressan
E sento i boti dell'Avemaria
Che i se lamenta come fa un cristian.

     Solo e qua sequestrà come una spia,
Serà come un sassin tra quatro mura
A consumarme de malinconia!

     Varè che nebia in ciel, che sera scura!
Anime sante, che squalor de morte,
Che silenzio de tomba e de paura!

     Le sentinele ga serà le porte
E sto scuro e ste ombre de preson
Ghè de le macie che i la ciama Corte!

     Che toco d'ironia! Varè el paron
De l'anime dei regni e de le Chiese
Che medita, che pianze in zenocion.