Solo per mi no cambiarà mai gnente,
Sempre serà in preson, sempre qua drento,
Sorvegià, tribulà, ligà, deriso,
Fin ch'el Signor me toga in Paradiso!
Xe el progresso! Doman i Cardinali
Vegnarà co la pipa in Concistoro,
I frati scalzi portarà i stivali
Le tonaghe sarà d'arzento e d'oro;
No se dirà più messe ai funerali,
Le suore zigarà «pane e lavoro!»
E i zocolanti nel so monastero,
Nominarà Prior... la bela Otero.
