Pagina:Le Ciàcole de Bepi, Roma 1908.pdf/195

FOGIE D'AUTUNNO.

Melior est pugillus cum requie, quam plena utraque mavus cum labore et afflictione animi.

Eccles. IV, 6.

I

IN sti zorni nebiosi e sconsolai,
Chi va zo da Noàl verso Miran
La strada bianca no fenisse mai
Ne la malinconia larga del pian.

     E alora in fondo ai campi indormenzai,
Nel cielo senza sol, lontan, lontan,
Fra i piopi grisi e i gelsi despogiai.
Se vede un campaniel ch'el xe Salzan.

     Xe el campaniel de San Bortolamio,
Dove ghe giera paroco e pastor
Quel povareto che i ghe dise Pio.