Pagina:Le Ciàcole de Bepi, Roma 1908.pdf/19

Sta pagina la xe stà trascrita, ma la gà ancora da vegner rileta.

BON CAPO D'ANO.

Ecce sto ad ostium et pulso.

Apoc. III, 20.

I.

MANCO mal, bona zente, manco mal
Che st'ano berechìn xe andà in malora,
Anzi, putei, mi no vedeva l'ora,
Tanto el giera diabolico e infernal.

Guere, peste, boleta universal,
La Franza separà che me adolora,
Spese che cresse, bèzi che svapora,
Gnente timor de Dio, gnente moral.