E alora mi gò sugerio la tela
De un romanzo cristian.
Ecola qua. Pierin gaveva un pomo
E el gà dito al Signor:
«Se col Papa farò metà per omo,
magnarò più de cuor».
El Fugazzèr gà dito: « Altro ch'el Santo!
Questo xe l'ideal!
Resto un cordon! Me ne ralegro tanto
Con lu e Meri del Val!»
Mi lo gò benedeto in so bonora,
Aeternam rei memoriam!
E adesso el Senator scrive e laora
Ad aeternam Dei gloriam!
