.jpg)
INSONNIA.
Dormi, fanciul, non piangere...
A. Manzoni, Il Natale.
Mo cossa vorlo mai? Con sto siroco
Mi no posso dormir.
Trentasie gradi, ciò! Diselo poco?
Xè roba da morir!
Se pò se beve un goto d'acqua in gelo
Se suda a la dirota;
Suda i freschi persin de Rafaelo...
Freschi i ghe dise? — I scota!!
La carega xe come una graèla
Che gà soto i carboni;
El leto po' xe come la paèla
Che rostisse i maroni
